أمك اللى جايبهالك .. الجزء الخامس

14.7.14

كلهن وليس جميعهن


من أول النصايح اللى اتقالت لى مع بداية السواقة "أوعى تسوق وراء عربية نقل, ولا عربية سايقاها ست" واستغربت ساعتها, طب هو أنا هاعرف منين إن اللى سايق قدامى ست وللا راجل, يعنى مش هاقعد أدقق فى كل عربية قبل ما امشى, ومع الوقت إن الموضوع مش مستاهل تشوف اللى سايق, لأنك ممكن تستنتج ده بسهولة من طريقة السواقة..

  أكيد كلنا بنغلط واحنا سايقين بس معظم الغلطات بتكون إنك غفلت لحظة أو اتغاشمت, بس مش ده المبدأ العام, لكن مبدأ الستات فى السواقة بيكون عدم الإدراك الشبه تام بالعربية أو بالطريق :) وإن السواقة ده شىء ثانوى ممكن تعمله وهى بتكلم صاحبتها أو بتبص لابنها فى المراية أو بتعدل الحجاب/المكياج أو سرحت فى تفاصيل اليوم ...
دايماً بتكون قلقان؛ حياتك مهددة بالخطرة لما تعدى الطريق –اللى هو واقف خلاص والعربيات بتهدى- بس صاحبة العربية مش واخد بالها لأنها مركزة جداً فى الموبيل ! جانب عربيتك ممكن يروح لما تفتكر إنها عدت طلعة أكتوبر وقررت تطلعها برضه :D إكسدام عربيتكو انتو الاتنين راح خلاص طالما قررت تركن بينكو:)  

ومع ذلك بيعجبنى فيهم إصرارهم على إثبات وجودهم فى الطرق, وتعديهم لمرحلة إنكار الأخطاء إلى مرحلة التعايش معاها, وده بيؤكده الكلام اللى قالته إحدى السيدات جانبى لزميلها فى الشركة "أنا عايز أركب حتتين كاوتش فى اكسدام العربية عشان ((كل)) مرة أركن تحت الشركة أخبط فى الشجرة !"

0 التعليقات:

إرسال تعليق

 
موهندس خانة © 2013 | Plantilla diseñada por Ciudad Blogger