عصر الديناصورات - هذا المقال صادم -

14.11.14




#معروفة: 
كل حقبة من الزمن بتمر عليه شخصيات بتعمل تغيير غريب على الناس, الناس تستنكره (حتى لو ظاهريا) وتكرهه لكنها مع الوقت بتتعود لأن الشخصيات ده هى الموجودة وإذا كان عاجبك , 
فبييجى بعدهم الجيل اللى كبر يشوف الناس ده وبقوا دول هما دول قدوته وبالنسبة له شخصيات عظيمة غيرت التاريخ وأثرت فى شخصيته .. ولو حبيت تبص ع الصورة من برا هتلاقى إن على مر الزمن ده بيحصل لكن مستوى الناس ذوقا وخلقا كل فترةعياره بيفلت .. 

وفى كل مرة باحاول أسأل نفسى ايه هو المرجع للناس اللى بتقيس به مبادئها وأخلاقها وذوقها, واللى ممكن يحكموا به على المواقف اللى بتمر بحياتهم , يعنى ..

مثلا : هل سعاد حسنى كانت فنانة رائعة وجميلة وسندريلا السينما المصرية, وللا واحدة على قد ما كان تمثيلها حلو, قدمت هى واللى زييها للناس مزيج من قلة الأدب على إنه حب والحب يصنع المعجزات وكل شىء مباح طالما بنحب بعتشينا وكتسا ..

وايه للى هيخلى واحدة زي صافيناز ده بالنسبة لعيالنا فنانة جميلة برضه, أى نعم الشعب رفضها فى الأول -كده وكده يعنى- بس اكتشفوا بعد كده ان الرقص الشرقى ده فن راقى زى ما سيادة وزير التعليم كان بيفسر فى مرة ..

ايه اللى ممكن يخلى الشتيمة فى الأول حرام بعد كده عيب, بعد كده عادى طالما من صاحبك, مرورا بالأب ثم الأم ثم كليهما وصولا لسب الدين اللى مش عارف هنوصل لبعده ايه ؟! 

ايه اللى ممكن يخلى الشاب اللى متمسك بمبادئه أو (لا مؤاخذة) دينه ومانع نفسه انه يصاحب بنت عشان مش عايز يعرف ولا يحب ولا يعيش مع حد غير مراته فى المستقبل, نتريأ عليه ونهزأه لأنه اتجرأ -شوف يا مؤمن- إنه يخلى حد يسأل بنت إذا كانت ممكن تقبل تتخطب له وللا لأ ؟! 

بالنسبة لى وصلت لإجابة ريحتنى هى أصلا كانت السؤال .. المرجع والمقياس, وحديث (لقد تركت فيكم ... ) معروف ..


الموضوع أكبر من إنه يخلص فى كلمتين ومش هدفى أصلا إنى أفصل فيه, بس لقيت ان فيه دايما اتنين تلاتة بيعانوا من رأى ونظرة المجتمع ليهم لأنهم متمسكين بمبادئهم وأخلاقهم ودينهم حتى لو قالوا عليهم متخلفين ومتشددين أو حتى من عصر الديناصورات .. 

0 التعليقات:

إرسال تعليق

 
موهندس خانة © 2013 | Plantilla diseñada por Ciudad Blogger